അവളുടെ അവസ്ഥ മനസിലാക്കികൊണ്ട് ഞാൻ ചിരിച്ചു . പിനേൻ ആദികുട്ടനെയും തോളിൽ ഇട്ടുകൊണ്ട് അവൾക്കു മുൻപിലെ തിണ്ണയിലേക്ക് കയറി ഇരുന്നു .
“നീ ഇതിനേം കൊണ്ട് എവിടുന്നാ ?”
ഞാൻ മടിയിലേക്ക് ഇറക്കിവെച്ച ആദിയെ നോക്കികൊണ്ട് മായേച്ചി ചോദിച്ചു . പിന്നെ അവനു നേരെ കൈനീട്ടി .
“വാടാ ..മോനു …”
മായേച്ചി അവനെ നോക്കി ചിണുങ്ങി . ഒന്ന് സംശയിച്ചെങ്കിലും ആദി മടി ഒന്നും കാണിക്കാതെ മായേച്ചിയുടെ ക്ഷണം സ്വീകരിച്ചു . അല്ലേലും പെണ്ണുങ്ങളെ അവനു വേഗം പിടിക്കും !
“ഞാൻ ചുമ്മാ ഇറങ്ങിയതാടി ..ബോറടിച്ചപ്പോ ഇവനേം എടുത്തു ഒരു കറങ്ങിയതാ ”
ഞാൻ അവളെ നോക്കി തട്ടിവിട്ടുകൊണ്ട് അവൾ വായിച്ചുകൊണ്ടിരുന്ന മാഗസിൻ പിടിച്ചെടുത്തു .
“പ്രഗ്നൻസി പിരിയഡ് അറിയേണ്ടതെല്ലാം …”
ഞാൻ അതിന്റെ കവർ പേജിലെ സ്റ്റോറി നെയിം വായിച്ചു അവളെ നോക്കി ചിരിച്ചു .
“എന്നിട്ടു ഒക്കെ അറിഞ്ഞോ മോളെ ?”
ഞാൻ മാഗസിൻ ടീപോയിലേക്കിട്ടുകൊണ്ട് തിരക്കി .
“ഒന്ന് പോടാ…അതൊക്കെ ചുമ്മാ വായിക്കുന്നതല്ലേ ..”
മായേച്ചി അത് തള്ളിക്കളഞ്ഞുകൊണ്ട് ചിരിച്ചു .പിന്നെ ആദിയുടെ ഇരുകയ്യും കൂട്ടിപ്പിടിച്ചു കൊണ്ട് കൈകൊട്ടി അവനെ കളിപ്പിച്ചു .
അപ്പോഴേക്കും ഞങ്ങളുടെ സംസാരമൊക്കെ കേട്ടുകൊണ്ട് ഹേമാന്റി ഉമ്മറത്തേക്കെത്തി .
“ആഹാ..കണ്ണൻ ആണോ…”
എന്നെ നോക്കി ചിരിച്ചുകൊണ്ട് ഹേമാന്റി ഉമ്മറത്തേക്ക് വന്നു . പക്ഷെ മായേച്ചിയുടെ മടിയിലിരിക്കുന്ന ആദിയെ കണ്ടതോടെ അവരുടെ ശ്രദ്ധ അങ്ങോട്ടേക്ക് മാറി .
“ആഹാ..കുഞ്ഞി കണ്ണനും ഉണ്ടോ…”
ആദിയെ നോക്കി മൂക്കത്തു വിരൽവെച്ചുകൊണ്ട് ഹേമാന്റി മായേച്ചിയുടെ അടുത്തേക്കിരുന്നു .
“അതുശരി..ഇപ്പൊ നമ്മളെ ആർക്കും വേണ്ടല്ലേ ..”
ഹേമാന്റിയുടെ പെരുമാറ്റം കണ്ടു ഞാൻ ചിരിച്ചു .
“നീ ഒന്ന് പോ ചെക്കാ …”
