ഞാൻ അവിടെ തൊട്ടുകൊണ്ട് ആരോടെന്നില്ലാതെ പറഞ്ഞു .
“പോടാ ..നിക്ക് ആൺകുട്ടി മതി ..എന്റെ അച്ഛന് തന്നെ ആൺകുട്ടികൾ ഇല്ലാത്തതാ ”
മഞ്ജുസ് ഒരു പരിഭവം പോലെ പറഞ്ഞു .
“അത് അയാള് വേറെ ട്രൈ ചെയ്യത്തോണ്ടാ …”
ഞാൻ മഞ്ജുസിന്റെ മറുപടി കേട്ട് പയ്യെ തട്ടിവിട്ടു കണ്ണിറുക്കി .
“പോ അവിടന്ന് …”
എന്റെ ഡയലോഗ് കേട്ട് മഞ്ജുസ് ചിരിച്ചു . പിന്നെ എന്റെ തുടയിൽ പയ്യെ നുള്ളി .
“അതൊന്നും അല്ല…എന്റെതിനു ശേഷം അമ്മക്ക് പിന്നെ എന്തോ കോംപ്ലികേഷൻ ഒകെ വന്നു …”
മഞ്ജുസ് ചെറിയ വിഷമത്തോടെ പറഞ്ഞു എന്നെ നോക്കി .
“നല്ല ബെസ്റ്റ് ജന്മം …”
ഞാൻ മഞ്ജുസിനെ കളിയാക്കികൊണ്ട് അവളെ ചേർത്ത് പിടിച്ചു .
“പോടാ ..ഞാൻ എന്ത് അറിഞ്ഞിട്ടാ…”
മഞ്ജുസ് ആരോടെന്നില്ലാതെ പറഞ്ഞു .
“അതൊക്കെ പോട്ടെടി മിസ്സെ.. ആൺപിള്ളേര് ഇല്ലെങ്കിൽ എന്താ ..നിന്റെ തന്തപ്പിടിക്ക് നല്ലൊരു മരുമോനെ കിട്ടിയില്ലേ ?”
ഞാൻ അവളെ ഗമയിൽ നോക്കികൊണ്ട് പറഞ്ഞു .
“ഉവ്വ ഉവ്വ ..”
മഞ്ജുസ് അതുകേട്ടു പയ്യെ ചിരിച്ചു .
“ഇത് ഉറപ്പായിട്ടും പെൺകുട്ടികളാവും..നോക്കിക്കോ ”
ഞാൻ എന്റെ ആഗ്രഹം പറഞ്ഞു കൊണ്ട് അവളുടെ കവിളിൽ മുത്തി .
“വേണ്ട …എനിക്ക് ആൺകുട്ടി മതി…”
മഞ്ജുസ് വീണ്ടും തീർത്തു പറഞ്ഞു .
“ശെടാ…ഇതിപ്പോ രണ്ടായാലും നമ്മള് സഹിച്ചല്ലേ പറ്റൂ..”
അവളുടെ ഗൗരവം കണ്ടു ഞാൻ സംശയിച്ചു .
“അതൊക്കെ അത്രേ ഉള്ളു …ന്നാലും എന്റെ ആഗ്രഹം പറഞ്ഞതാ . ഞങ്ങളുടെ തറവാട്ടില് പൊതുവെ ആൺപിള്ളേര് കുറവാ ”
മഞ്ജുസ് എന്നെ നോക്കി പയ്യെ പറഞ്ഞു .
“അത് നിന്റെ തറവാട്ടില് …ഇത് രണ്ടും എന്റെ തറവാട്ടിലേക്കുള്ള മൊതലുകളാ..”
