എന്റെ സംശയം കേട്ട് മഞ്ജുസ് ചിരിച്ചു .
“അതൊക്കെ പോട്ടെടി..ഇതിനുള്ളിൽ വല്ല അനക്കവും ഉണ്ടോ ?”
ഞാൻ അവളുടെ വയറിൽ തൊട്ടുകൊണ്ട് പുരികങ്ങൾ ഇളക്കി .
“ചിലപ്പോ ഒകെ ഉണ്ട് …വല്യ കുഴപ്പക്കാർ ഒന്നും അല്ലെന്നു തോന്നുന്നു..സൈലന്റ് ആണ് ”
മഞ്ജുസ് ചിരിയോടെ പറഞ്ഞു വയറിൽ സ്വയം തഴുകി .
“ആഹ്…അപ്പൊ പിള്ളേര് എന്നെപോലെ ആണെന്ന് സാരം ”
ഞാൻ അതുകേട്ടു ഗമയിൽ ഞെളിഞ്ഞിരുന്നു .
“അയ്യടാ …ഒരു പാവം …”
മഞ്ജുസ് അതുകേട്ടു എന്റെ കവിളിൽ നുള്ളി .
“അതിലെന്താ സംശയം ? ഞാൻ പാവം തന്നെയാ ..അതോണ്ടല്ലേ നിന്നെയൊക്കെ സഹിക്കുന്നെ , അല്ലെങ്കിൽ ഈ മോന്തെന്നു കയ്യെടുക്കില്ല….അത്രയ്ക്ക് നല്ല കുട്ടിയാ…”
ഞാൻ അവളുടെ ഇരുകവിളും തഴുകികൊണ്ട് ചിരിച്ചു .
“പോടാ …എന്ത് പറഞ്ഞാലും എനിക്കിട്ടു തന്നെ വെച്ചോ …ഇങ്ങനൊരു സാദനം ”
മഞ്ജുസ് എന്നെ നോക്കി കണ്ണുരുട്ടി . പിന്നെയും ഞങ്ങളുടെ സ്നേഹസല്ലാപങ്ങൾ അങ്ങനെ നീണ്ടു . അതിനിടക്ക് മഞ്ജുസിനെ അവളുടെ അച്ഛനും അമ്മയും വന്നു സ്വന്തം വീട്ടിലേക്ക് കൂട്ടികൊണ്ടു പോയി . പിന്നെ കുറച്ചു ദിവസങ്ങൾ അവൾ അവിടെ ആയിരുന്നു . ഇടക്ക് ഞാൻ വീക്കെൻഡിൽ അവളെ കാണാനായി കോയമ്പത്തൂരിൽ നിന്ന് ഒറ്റപ്പാലത്തേക്ക് തിരിക്കും .
അവൾക്കു ഇഷ്ടമുള്ള ഫുഡ് ഒകെ പാഴ്‌സൽ വാങ്ങി കാറിൽ വെച്ചിട്ടാവും പോകുന്നതൊക്കെ . അതിനൊപ്പം അവളുടെ മുത്തശ്ശിയുടെയും അമ്മയുടെയും വക പ്രേത്യക എണ്ണയും ലേഹ്യവും മരുന്നുമൊക്കെ ഉപയോഗിച്ചുള്ള സുഖചികിത്സയും അവൾക്കുണ്ടായിരുന്നു. ഒക്കെക്കൂടി ആയപ്പോൾ പെണ്ണ് ചക്കപോത്തായി !
കവിളും ശരീരവും ഒകെ ചീർത്തു മഞ്ജുസ് ഒരു ആന്റി പീസ് പോലെ ആയി . പ്രസവിച്ചു കിടക്കുന്ന ടൈമിലും അവളുടെ രൂപം അങ്ങനെ തന്നെ ആയിരുന്നു . പിന്നെ വീണ്ടും വർക്ക് ഔട്ട് ചെയ്താണ് പഴയ രൂപത്തിലായതാണ് ! കോളേജിൽ റീ ജോയിൻ ചെയ്യുമ്പോഴേക്കും പഴയ കോലം ആയികിട്ടണം എന്ന വാശി ആയിരുന്നു അവൾക്ക് ..അതെ തുടർന്ന് പിന്നെ തീറ്റയും കുടിയുമൊക്കെ കുറച്ചു ഡയറ്റിങ്ങും വർക്ക് ഔട്ടും ഒക്കെ ആയി ജഗപൊക ആയിരുന്നു .
അതൊക്കെ ആലോചിച്ചു കിടക്കെ മഞ്ജുസ് ആദികുട്ടനെയും എടുത്തു റൂമിലേക്ക് കയറി വന്നു . അതോടെ പഴയ ഓർമകളിൽ നിന്ന് ഞാൻ തിരികെ മടങ്ങി അവളെ നോക്കി കിടന്നു . എന്തോ വായിലിട്ടു ചവച്ചുകൊണ്ടാണ് അവളുടെ വരവ്…
“ഇതെന്താടി തിന്നുന്നെ ?”
ഞാൻ അവളെ നോക്കി സംശയിച്ചു .
“കേക്ക് ..കേക്ക് ..”
ചിരിച്ചുകൊണ്ട് തന്നെ മഞ്ജുസ് മറുപടി നൽകി .
