“കാർ വീട്ടുമുറ്റത്തു എത്തിയപ്പോഴേ കാറിൽ നിന്നും പൊന്നൂസ് ഒച്ചയും വിളിയും തുടങ്ങി .
“ഗ്രാൻഡ്‌പാ….”
“ചോഭ …”
അവരെ നോക്കി കൈവീശി പെണ്ണ് കൈവീശി . ആദിയും സ്വല്പം ആവേശം കാണിച്ചു . കാറിൽ നിന്നിറങ്ങിയ ഉടനെ രണ്ടും കൂടി ഉമ്മറത്തേക്ക് ഓടി .
“അമ്മമ്മ ….”
എന്ന് വിളിച്ചുകൊണ്ട് ആദിയും മഞ്ജുസിന്റെ അച്ഛന്റെ അടുത്തേക്കായി പൊന്നൂസും ഓടിച്ചെന്നു . പിള്ളേരെ വാരിയെടുത്തുകൊണ്ട് അവരും അതാസ്വദിച്ചു .
അതൊക്കെ നോക്കി ഞാനും മഞ്ജുസും മുഖാമുഖം നോക്കി പുഞ്ചിരിച്ചു .
“ഇപ്പൊ നമ്മളെ ആർക്കും വേണ്ടല്ലേ ..”
മഞ്ജുസിന്റെ തോളിൽ എന്റെ തോളുരുമ്മി ഞാൻ പയ്യെ ചിരിച്ചു .
“നമ്മളെ അല്ല..നിന്നെ …”
അപ്പോഴും എന്നെ കളിയാക്കി അവളൊന്നു ചിരിച്ചു .പിന്നെ വീടെത്തിയ സന്തോഷത്തിൽ മുന്നോട്ടു നടന്നു .ഞാനും അവൾക്ക് പിന്നാലെ നടന്നു ചെന്നു.
“ഉമ്മ്ഹ ….”
മഞ്ജുസിന്റെ അച്ഛന്റെ കവിളിൽ ഉമ്മകൊടുത്തു റോസ്‌മോൾ സ്നേഹപ്രകടനം തുടങ്ങി .
“ചുന്ദരിക്ക് സുഖം അല്ലെ ….”
അവളുടെ നെറ്റിയിൽ സ്വന്തം നെറ്റി പയ്യെ ,മുട്ടിച്ചു മഞ്ജുസിന്റെ അച്ഛൻ തിരക്കി .
“ഹ്മ്മ്…”
നീട്ടിമൂളികൊണ്ട് പൊന്നൂസും ചിരിച്ചു ..പിന്നെ പുള്ളിയുടെ കഴുത്തിൽ കൈചുറ്റി . മറുവശത്തു ആദിയെ മഞ്ജുസിന്റെ അമ്മയും എടുത്തു താലോലിക്കുന്നുണ്ട് .
അതൊക്കെ നോക്കികൊണ്ട് ഞാനും മഞ്ജുവും ഉമ്മറത്തേക്ക് കയറി. പതിവുപോലെ മഞ്ജുസ് ആദ്യം മുത്തശ്ശിയുടെ അടുത്തേക്കാണ് പോയത് .
“യ്യ്യോ..എന്റെ മുത്തശ്ശി ആകെ കോലം കെട്ടല്ലോ..”
അവരെ കെട്ടിപിടിച്ചു ഇറുക്കികൊണ്ട് മഞ്ജുസ് പിള്ളേരെ പോലെ ചിണുങ്ങി .
“പോടീ പെണ്ണെ …”
അതിനു അവരും ഒന്ന് ചിരിച്ചു .
“ഇപ്പൊ എങ്ങനെ ഉണ്ട് ?”
വയസായതുകൊണ്ടുള്ള മുത്തശ്ശിയുടെ ബുദ്ധിമുട്ടുകളൊക്കെ ഓർത്തു മഞ്ജുസ് തിരക്കി അകന്നു മാറി .
“കൊഴപ്പം ഒന്നും ഇല്യടി കുട്ട്യേ ..”
അതിനു അവരും ചിരിയോടെ മറുപടി നൽകി .
“കുളിക്ക ..പോവാ …”
കുളത്തിൽ പോകുന്ന കാര്യം ഓര്മിച്ചെടുത്തു പൊന്നൂസ് മഞ്ജുസിന്റെ അച്ഛനെ നോക്കി .
“അതൊക്കെ ഇനി നാളെ പോവാടി പെണ്ണെ ..ഇപ്പൊ വന്നല്ലേ ഉള്ളു .”
മഞ്ജുസിന്റെ അച്ഛൻ അതുകേട്ടു ചിരിച്ചു .
“വേന്റ ഇപ്പോ പോവാ …”
