ടാബ്ലെറ്റും വാങ്ങി തിരികെ പോന്നു . ബ്ലഡ് ഒന്ന് ടെസ്റ്റ് ചെയ്യണം എന്ന് പറഞ്ഞപ്പോൾ ലാബിൽ കേറി ബ്ലഡ് ഉം കൊടുത്തു .അതിന്റെ റിസൾട്ട് വാങ്ങി നാളെ ഒന്നുടെ പോണം .
വീണ്ടും വീട്ടിൽ വന്നു കേറിയ ഉടനെ ഞാൻ മുകളിലേക്കൊന്നും പോകാൻ നിൽക്കാതെ ഹാളിലെ സോഫയിലേക്ക് വന്നു കിടന്നു , ക്ഷീണം കാരണം ഒന്ന് കിടന്നാൽ മതി എന്നായി . പക്ഷെ രാവിലെ ഒന്നും കഴിക്കാത്ത കാരണം മഞ്ജുസ് കിടന്നുറങ്ങാനും സമ്മതിച്ചില്ല .
“ഡാ പൊട്ടാ ..അവിടെ കിടന്നുറങ്ങല്ലേ …ടാബ്‌ലെറ്റ് കഴിക്കാനുണ്ട്..ആദ്യം വല്ലതും കഴിക്ക് ”
മഞ്ജുസ് പയ്യെ എന്റെ അടുത്തേക്ക് നടന്നുവന്നുകൊണ്ട് ചിരിച്ചു .
“എനിക്കൊന്നും വേണ്ട …നീ ഒന്ന് മിണ്ടാതിരുന്ന അത്രേം സുഖം ”
ഞാൻ അവളെ നോക്കി പിറുപിറുത്തു .
“ഓഹോ…”
മഞ്ജുസ് അതുകേട്ടു ചിരിച്ചു .പിന്നെ സോഫയിലേക്ക് എന്റെ അടുത്തേക്കായി വന്നിരുന്നു .പിന്നെ സോഫയിൽ കമിഴ്ന്നു കിടന്നിരുന്ന എന്റെ പുറത്തേക്കായി അവളും ചാഞ്ഞു .
“എണീക്കെട ചെക്കാ ….”
എന്റെ പുറത്തു താടിത്തുമ്പു അമർത്തി മഞ്ജുസ് ചിണുങ്ങി .
“വല്ലോം കഴിക്കെടാ..നീ എന്താ പിള്ളേരെ പോലെ ”
എന്റെ കിടപ്പു കണ്ടു അവള് ഒന്ന് സ്വരം ഉയർത്തി .
“വേണ്ടാഞ്ഞിട്ട …”
ഞാൻ അതിനു പയ്യെ മറുപടി പറഞ്ഞു . വിശപ്പ് ഒന്നും ആ സമയത് ഒട്ടുമില്ലായിരുന്നു . പക്ഷെ ആകെ മൊത്തത്തിൽ ഭയങ്കര ക്ഷീണം ഉണ്ടായിരുന്നു .
“എന്ന് പറഞ്ഞാൽ പറ്റില്ല …ഞാൻ ബ്രെക്ഫാസ്റ്റ് എടുത്തിട്ട് വരാം ..”
മഞ്ജുസ് അകറ്റയും പറഞ്ഞു എന്റെ പുറത്തുനിന്നും മുഖം ഉയർത്തി എഴുനേറ്റു .
“എന്തൊരു കഷ്ടം ആണിത് …”
ഞാൻ അതുകേട്ടു ദേഷ്യത്തോടെ പിറുപിറുത്തു . പക്ഷെ അതൊന്നും കാര്യമാക്കാതെ മഞ്ജുസ് പോയി രാവിലെ ഉണ്ടാക്കിവെച്ചിരുന്ന ദോശയും ചമ്മന്തിയും എടുത്തുകൊണ്ടുവന്നു ടേബിളിൽ വെച്ചു. അത് കണ്ടപ്പോൾ തന്നെ എനിക്കെന്തോ മനം പുരട്ടുന്ന പോലെയാണ് ഫീൽ ആയത് .
എത്ര മെനകെട്ടു നോക്കിയിട്ടും ഒരു ദോശയിൽ കൂടുതൽ കഴിക്കാനും തോന്നിയില്ല . ചായ മാത്രം കുറെ എടുത്തു കുടിച്ചു ഞാൻ ആ പരിപാടി അവസാനിപ്പിച്ച് എന്റെ അടുത്തിരുന്ന മഞ്ജുസിനെ നോക്കി . അവള് മൊബൈലും നോക്കി ഇരിപ്പുണ്ട് .
“ഹ്മ്മ്…?”
അവളെന്നെ പുരികം ഇളക്കി നോക്കി .
“മതി …വായുടെ രുചി ഒക്കെ പോയി …ചര്ധിക്കാൻ വരാ ”
ഞാൻ പയ്യെ പറഞ്ഞു എഴുനേറ്റു .
“എന്ന കഞ്ഞി ഉണ്ടാക്കട്ടെ ?”
എന്റെ മറുപടി കേട്ട് മഞ്ജുസ് ഗൗരവത്തിൽ തന്നെ തിരക്കി .
“അതിനു അതൊക്കെ അറിയോ ?”
ഞാൻ അതുകേട്ടു ചിരിച്ചു അവളെ കളിയാക്കി .
