“ഓ..അത്ര പേടി ആണെങ്കിൽ നീ കുടിക്കണ്ട…ഇങ്ങു തന്നെ..”
അവളുടെ എല്ലാം കഴിഞ്ഞപ്പോ ഉള്ള കോമഡി കേട്ട് ഞാൻ പാത്രം , പിടിച്ചു വാങ്ങാൻ ശ്രമിച്ചു .
“അയ്യോ വേണ്ട..ഞാൻ ചുമ്മാ പറഞ്ഞതാ…”
ഞാൻ കൈ നീട്ടിയത്തുമ്മ അവളെ പാത്രം ഒരു വശത്തേക്ക് നീക്കിപിടിച്ചു ചിരിച്ചു .
“ആഹ്..എന്ന കൂടുതൽ ഡയലോഗ് ഒന്നും വേണ്ട ..കഴിച്ചിട്ട് കിടന്നോ..”
ഞാൻ ഗൗരവത്തിൽ പറഞ്ഞു അവളുടെ കവിളിൽ തട്ടി .
“അപ്പൊ നീ എങ്ങോട്ടാ ?”
മഞ്ജുസ് സ്പൂൺ കൊണ്ട് കഞ്ഞി ഒന്നിളക്കികൊണ്ട് എന്നെ നോക്കി .
“ഞാൻ എനിക്കുള്ള ഫുഡ് വാങ്ങിയിട്ട് വരാം ..”
ഞാൻ പയ്യെ പോരാഞ്ഞു എഴുനേറ്റു . പിന്നെ മുണ്ടു മടക്കി കുത്തി കാറിന്റെ കീ മേശപ്പുറത്തു നിന്നും എടുത്തു .
“എടാ എളുപ്പം വന്നേക്കണേ ..”
മഞ്ജുസ് ഒരു സ്പൂൺ കഞ്ഞി കോരി കുടിച്ചുകൊണ്ട് പയ്യെ പറഞ്ഞു .
“ആഹ് നോക്കട്ടെ ..ഇവിടെ ഇപ്പൊ വന്നിട്ട് വല്യ കാര്യം ഒന്നുമില്ലല്ലോ ..ഇയാള് ഷെഡിൽ കേറിയില്ലേ ”
ഞാൻ അർഥം വെച്ച് പറഞ്ഞു അവളെ നോക്കി .
“ഹി ഹി …”
എന്റെ മറുപടി കേട്ട് മഞ്ജുസ് പയ്യെ ചിരിച്ചു . പിന്നെ കഞ്ഞി കുറച്ചൂടെ കോരി കുടിച്ചു .
“ഡാ ..ഇത് കൊള്ളാട്ടോ..”
മഞ്ജുസ് കഞ്ഞി കുടിച്ചുനോക്കി ,എന്നോടായി സൂപ്പർ എന്ന് ആംഗ്യം കാണിച്ചു .
“ആഹ്..വരവ് വെച്ച് ..”
ഞാൻ തിരിച്ചും കൈകൊണ്ട് ത്തള്ളവിരൽ ഉയർത്തി കാണിച്ചു പറഞ്ഞു . പിന്നെ അവളെ നോക്കി ചിരിച്ചു കാണിച്ചു തിരിഞ്ഞു നടന്നു .
പിന്നെ വീണ്ടും പുറത്തൊക്കെ ഒന്ന് പോയി ഫുഡും വാങ്ങി ഞാൻ തിരിച്ചെത്തി . തിരികെ എത്തുമ്പോൾ മഞ്ജുസ് ഉമ്മറത്താണ് . സ്വല്പം ഒന്ന് ഭേദം വെച്ചപ്പോഴേക്കും ഉമ്മറത്ത് ചാര് കസേരയിൽ വന്നു കിടന്നു മൊബൈലും നോക്കി ഇരിപ്പാണ് കക്ഷി .
കാർ ഗസ്റ്റ് റൂമിനു മുൻപിലെ മുറ്റത്തേക്ക് കടന്നു വന്നതൊക്കെ മഞ്ജുസ് കാണുന്നുണ്ടെങ്കിലും വല്യ ശ്രദ്ധ ഒന്നും ഇല്ല . കാർ തുറന്നു ഭകഷണപൊതിയുമായി ഞാൻ പുറത്തിറങ്ങി ഡോർ ലോക് ചെയ്തു . മുടിയിഴ അഴിച്ചു ഇടം തോളിലൂടെ മാറിലോട്ടിട്ടു അതിൽ പേൻ നുള്ളി വലിക്കുന്ന പോലെ ചെയ്തുകൊണ്ട് മഞ്ജുസ് മൊബൈലിലെ ഡിസ്പ്ളേയിൽ നോക്കി ഇരിപ്പാണ് .
“നിന്റെ തലവേദന ഒകെ മാറിയോ ?”
മൊബൈലിൽ കണ്ണ് നട്ടു ഇരിക്കുന്ന മഞ്ജുസിനെ നോക്കി ഞാൻ സ്റ്റെപ്പുകൾ കയറവെ , സ്വല്പം ഗൗരവത്തിൽ ചോദിച്ചു .
