ഞാൻ പയ്യെ പറഞ്ഞു അവളെ കെട്ടിപിടിച്ചു .
“ആടാ..ഇനിയിപ്പോ അങ്ങനെ പറഞ്ഞോ ..നിന്റെ ആവശ്യം ഒകെ കഴിഞ്ഞില്ലേ”
മഞ്ജു പരിഭവത്തോടെ പറഞ്ഞു .
“ഓ അതിനെ കുറിച്ചൊന്നും കൂടുതൽ പറയണ്ട..ആർക്കായിരുന്നു അത്യാവശ്യം എന്നൊക്കെ എനിക്ക് മനസിലായിട്ടുണ്ട്..”
അവളുടെ ഇടുപ്പിൽ തഴുകി ഞാൻ ചിരിയയോടെ പറഞ്ഞു .
“കവി ..നീ ഒന്ന് മിണ്ടാതിരിക്കോ..അല്ലെങ്കി തന്നെ തലവേദനയാ ..”
അവളെന്നെ തിരിഞ്ഞൊന്നു നോക്കി കണ്ണുരുട്ടി..
“ഓ..പാവമല്ലേ..ഒന്ന് കെട്ടിപിടിച്ചു ആശ്വസിപ്പിക്കാമെന്നു വെച്ച് വന്നതാ..വേണ്ടെങ്കിൽ വേണ്ട..”
ഞാൻ ചിരിയോടെ പറഞ്ഞു എഴുനേറ്റു .
“ഉച്ചക്ക് മാമു ഉണ്ണാൻ എന്ത് ചെയ്യും മോളെ ? ഈ കണ്ടിഷനിൽ നീ ചോറൊക്കെ കഴിക്കുമോ ?”
ഒന്നും മിണ്ടാതെ ചെരിഞ്ഞു കിടക്കുന്ന അവളോടായി ഞാൻ ബെഡിൽ നിന്നിറങ്ങികൊണ്ട് ചോദിച്ചു .
“എനിക്കൊന്നും വേണ്ട ..”
മഞ്ജുസ് ഒഴുക്കൻ മട്ടിൽ പറഞ്ഞു .
“അങ്ങനെ പറഞ്ഞാൽ എങ്ങാനാ ..ടാബ്‌ലെറ്റ് കഴിക്കാൻ ഉള്ളതല്ലേ ? കുറച്ചു ആശ്വാസം തോന്നുമ്പോ ഇയാള് തന്നെ എണീറ്റ് കഞ്ഞി ഉണ്ടാക്കിക്കോ ”
ഞാൻ പയ്യെ തട്ടിവിട്ടു അവളെ ഇടം കണ്ണിട്ടു നോക്കി .
“ആഹഹാ ..അത് പൊളിക്കും ”
മഞ്ജുസ് കിടന്നുകൊണ്ട് പയ്യെ പറഞ്ഞു എന്നെ ഒന്ന് പുച്ഛിച്ചു .
“ഹി ഹി , പിന്നെ ഞാൻ എന്ത് ചെയ്യാനാ ? ”
ഞാൻ കൈമലർത്തികൊണ്ട് അവളെ നോക്കി .
“ആ പവിഴത്തെ വിളിച്ചു വരാൻ പറ..എനിക്കിപ്പോഴത്തെ കണ്ടീഷൻ വെച്ച് പണിയെടുക്കാൻ ഒന്നും വയ്യ..”
സ്വല്പം ഒന്നശ്വസം വെച്ചപ്പോൾ അവൾ ശബ്ദം കൂട്ടി തുടങ്ങി .
“ഓഹ് …ഇന്ന് സൺഡേ ആണ്..പവിഴം പോയിട്ട് ഒരു പട്ടികുഞ്ഞു വരില്ല..”
ഞാൻ ഒഴുക്കൻ മട്ടിൽ പറഞ്ഞു കസേരയിലോട്ടിരുന്നു .
“എന്ന ഇവിടെയുള്ള പട്ടികുഞ്ഞു ചെന്ന് എന്തേലും ചെയ്യ് ..”
അവൾ എനിക്കിട്ടു താങ്ങി ചിരിയോടെ പറഞ്ഞു .
“ദേ ഞാൻ വയ്യ എന്നൊന്നും നോക്കില്ല.ഒരു ചവിട്ടങ്ങു വെച്ചു തരും..അയ്യാ ഒന്ന് ജീവൻ വെച്ചപ്പോ എന്താ ഡയലോഗ് ”
അവളുടെ സംസാരം കേട്ട് ചൊറിഞ്ഞു വന്ന ഞാൻ ദേഷ്യത്തോടെ പറഞ്ഞു .
” പ്ലീസ് എടാ …”
മഞ്ജു ഞാൻ പറഞ്ഞത് കേട്ട് ചിരിയോടെ കൊഞ്ചി .
“ആഹ്..അങ്ങനെ വഴിക്കു വാ മോളെ, ഇനി ഞാനൊന്നു ശ്രമിച്ചു നോക്കാം..”
മര്യാദക്ക് മഞ്ജുസ് കാര്യം പറഞ്ഞപ്പോൾ ഞാൻ സമ്മതിച്ചു . ഒടുക്കം അന്നത്തെ പാചക കളരി ഞാൻ ഏറ്റെടുത്തു . ഒറ്റയ്ക്ക് ആയതിൽ പിന്നെ അത്യാവശ്യം കുക്കിംഗ് ഒകെ ഞാൻ പഠിച്ചു വെച്ചിരുന്നു . പക്ഷെ വെജിറ്റബിൾ ഐറ്റംസ് ഒന്നും അത്ര വശം ഇല്ല !
