“നീ നോക്കുവൊന്നും വേണ്ട . നിന്നോടും കൂടിയാ പറഞ്ഞെ. ഒരു ടോം ആൻഡ് ജെറി ..”
ഞാൻ അവര് കളിയാക്കുന്ന പോലെ പറഞ്ഞു എഴുനേൽക്കാൻ തുനിഞ്ഞു .
“ആഹ്..അങ്ങനെ പറഞ്ഞു കൊടുക്ക് …”
ഞാൻ മഞ്ജുസിനെ ഉപദേശിക്കുന്നത് കണ്ട അഞ്ജു എനിക്ക് സപ്പോർട്ട് ആയെത്തി .
“ഓ..നീ നിന്റെ കാര്യം നോക്കിയാ മതി . ഒരു കണക്കിന് നിന്റെ തൊലിഞ്ഞ ഹിന്ദി സീരിയലിനേക്കാളും ഭേദം കാർട്ടൂൺ തന്നെയാ ..”
ഇടയിൽ കേറി കൂടുതൽ ഡയലോഗ് അടിക്കേണ്ട എന്നെ രീതിയിൽ ഞാൻ അഞ്ജുവിനും ഓരോ ഡോസ് കൊടുത്തു . പിന്നെ നേരെ ഉമ്മറത്തേക്ക് നടന്നു . അതോടെ രണ്ടുപേരും ഒന്നടങ്ങി . ഒന്ന് മുഖാമുഖം നോക്കി അടിപിടിക്കു ഒരു ശമനം ഉണ്ടാക്കി രണ്ടു പേരും ഒന്നും മിണ്ടാതെ ഇരുന്നു . ഒടുക്കം മഞ്ജു തന്നെ ഒരു തുടക്കം ഇട്ടു .
“ഇന്നെന്തു കാര്യത്തിനാടി സ്ട്രൈക്ക് ?”
മഞ്ജുസ് മാഗസിൻ മരിച്ച്നോക്കികൊണ്ട് അഞ്ജുവിനെ ശ്രദ്ധിക്കാതെ ചോദിച്ചു .
“ആഹ്…ഞാൻ വിശദമായിട്ടൊന്നും ചോദിച്ചില്ല. ക്‌ളാസ് ഇല്ലെന്നു കേട്ടതും ഇങ്ങു പോന്നു”
അഞ്ജു അതിനുള്ള മറുപടി ഒരൊഴുക്കാൻ മട്ടിൽ തട്ടിവിട്ടു .
“മൊത്തത്തിൽ ഉണ്ടോ ? അതോ നിങ്ങളുടെ കോളേജിലെ മാത്രം ഇഷ്യൂ ആണോ ? അല്ല , മൊത്തത്തിൽ ആണേൽ എന്റെ ലീവും ഉപകാരം ആയി . വെറുതെ കെട്ടിയൊരുങ്ങി പോകേണ്ടി വന്നില്ല .”
മഞ്ജുസ് ഒരു സംശയത്തെ പോലെ അവളോട് തിരക്കി .
“ആഹ് ..എനിക്കറിഞ്ഞൂടാ ..ഞങ്ങളുടെ കോളേജിലെ എന്തോ സീൻ ആണെന്ന് തോന്നണൂ . ”
അഞ്ജു പയ്യെ പറഞ്ഞു .
“മ്മ്..അപ്പൊ കുഴപ്പം ആണ് …”
മഞ്ജുസ് ഒന്നമർത്തി മൂളികൊണ്ട് തല ചൊറിഞ്ഞു .
“ഹോ..ഇത്ര പേടി ആണെങ്കിൽ പിന്നെ എന്തിനാ ചേച്ചി ലീവ് ആക്കിയത് ?”
മഞ്ജുസിനെ ഒന്നാക്കികൊണ്ട് അഞ്ജു തിരക്കി .
“ഒന്ന് പോടീ പെണ്ണെ . പേടിയുടെ കാര്യം അല്ല. കല്യാണം , വിരുന്നു എന്നൊക്കെ പറഞ്ഞു ഇപ്പഴേ കുറെ ലീവ് ആയി . ഇനീം ചുമ്മാ ലീവ് എടുത്താൽ എന്റെ കാര്യം പോക്കാ . മാത്രം അല്ല , കല്യാണം കഴിഞ്ഞേൽ പിന്നെ ലീവ് കൂടുന്നുണ്ടല്ലോ എന്ന് ചോദിച്ചു ഓരോ പരട്ട സ്റ്റാഫിന്റെ കളിയാക്കലും ഉണ്ട്…”
മഞ്ജു സ്വല്പം ജാള്യതയോടെ പറഞ്ഞു ചിരിച്ചു .
“ആഹ്…അത് സത്യം അല്ലെ . അല്ലേൽ പിന്നെ അവനൊന്നു വന്നപ്പോഴേക്കും ചേച്ചി എന്തിനാ ലീവ് എടുത്തത് ? ”
അഞ്ജു അർഥം വെച്ചുകൊണ്ട് തന്നെ തിരക്കി .
“ഡീ ഡീ ..വേണ്ട ട്ടോ . നീ കുറെ നേരം ആയി ആളെ ഒരുമാതിരി..”
മഞ്ജുസ് കാര്യമായി പറഞ്ഞു തന്നെ കണ്ണുരുട്ടി .പിന്നെ സോഫയിൽ നിന്നും എഴുനേറ്റു എന്നെ ഉറക്കെ വിളിച്ചു .
“കവി..നീ ഒന്ന് മുകളിലോട്ടു വന്നേ..എനിക്കൊരു കാര്യം പറയാൻ ഉണ്ട്..”
അഞ്ജു കേൾക്കെ തന്നെ അവൾ ഉറക്കെ പറഞ്ഞു . പിന്നെ നേരെ സ്റ്റെപ്പ് കയറി മുകളിലോട്ടു ഓടി കയറി . പിന്നാലെ ഞാനും ഹാളിലേക്ക് രംഗ പ്രവേശം ചെയ്തു…
“മ്മ്….ചെല്ല് ചെല്ല് ..ടീച്ചറുടെ സ്പെഷ്യൽ ക്‌ളാസ് ഉണ്ടാകും ..”
