എന്നിട്ടും ആ പണ്ടാര കാളിക്ക് അയവില്ല. അവൾ എനിക്ക് കൊണ്ടുവന്ന ചായ സ്വയം എടുത്തു കുടിക്കാൻ തുടങ്ങി .
“നല്ല ചൂട് ..”
അവൾ ആരോടെന്നില്ലാതെ പറഞ്ഞു സ്വല്പം കുടിച്ചു അത് തിരികെ വെച്ചു എഴുന്നേറ്റു പോയി . അതുംകൂടി ആയപ്പോൾ ഞാൻ സ്വയം നിലത്തൊരു ചവിട്ടും കൊടുത്തു കസേരയിൽ കിടന്നു .
“നാശം “
അകത്തു നിന്നു മഞ്ജുസിന്റെ കളിചിരി ഒക്കെ കേൾക്കാം . എന്നോട് മാത്രേ ചതുർഥി ഉള്ളു . അമ്മായിയമ്മയും മരുമോളും എന്തൊക്കെയോ അകത്തു സംസാരിക്കുന്നത് ഞാൻ അസ്വസ്ഥതയോടെ പുറത്തിരുന്നു കേൾക്കുന്നുണ്ട് .
ഒടുക്കം ദേഷ്യം വന്നപ്പോൾ ഞാൻ വീട്ടിൽ നിന്നും ഇറങ്ങി പോയി . പിന്നെ ക്ളബിൽ ചെന്നിരുന്നു കാരംസ് ഒക്കെ കളിച്ചു പത്തു മണി ആയിട്ടാണ് തിരികെ വന്നത് . അപ്പോഴേക്കും എല്ലാവരും അത്താഴം കഴിച്ചിരുന്നു ! സാധാരണ എന്റെ കൂടെ ഇരുന്നു കഴിക്കുന്ന മഞ്ജുസ് വരെ എന്നോടുള്ള ദേഷ്യം കാരണം അന്ന് നേരത്തെ കഴിച്ചു .
ഞാൻ കയറിച്ചെല്ലുമ്പോൾ മഞ്ജുസ് ഭകഷണം കഴിച്ചു കഴിഞ്ഞു കൈ കഴുകുകയാണ് . അതെന്നെ കൂടുതൽ ദേഷ്യം പിടിപ്പിച്ചു .
“ആ…ഇപ്പഴേലും ഇങ്ങു പോന്നല്ലോ ..നിന്നെ കണാത്തതുകൊണ്ട് ഞങ്ങളൊക്കെ കഴിച്ചു ”
ഞാൻ മുണ്ടും മടക്കി കുത്തി വരുന്നത് കണ്ട അമ്മ പുച്ഛത്തോടെ പറഞ്ഞു . പാത്രങ്ങളൊക്കെ എടുത്തു കൊണ്ടുപോകുന്ന തിരക്കിലാണ് കക്ഷി .
ഞാൻ അതിനൊന്നും മിണ്ടിയില്ല . നേരെ സ്റ്റെയർ കേസ് കേറി മുകളിലേക്ക് നടന്നു . എന്നെ കണ്ടു മൈൻഡ് ഇല്ലാതെ നിക്കുന്ന മഞ്ജുവിനോടുള്ള ദേഷ്യവും അതിനു പുറകിൽ ഉണ്ടായിരുന്നു .
“ഡാ..നിനക്ക് ചോറൊന്നും വേണ്ടേ …?”
എന്റെ പോക്ക് കണ്ടു അമ്മ അമ്പരപ്പോടെ ചോദിച്ചു .
“വേണ്ട …ഞാൻ പുറത്തുന്നു കഴിച്ചു ”
രണ്ടു വാക്കിൽ പയ്യെ മറുപടി പറഞ്ഞു അമ്മയെയും മഞ്ജുസിനെയും മാറിമാറി ഒന്ന് നോക്കികൊണ്ട് ഞാൻ പയ്യെ നടന്നു . അഞ്ജുവിനെ അവിടെ കണ്ടില്ല..ചിലപ്പോൾ ടോയ്‌ലെറ്റിലെങ്ങാനും പോയിക്കാണും !
ഞാൻ നേരെ ചെന്ന് ബെഡിലേക്ക് കമിഴ്ന്നു കിടന്നു ഓരോന്ന് ആലോചിച്ചിരുന്നു . പിന്നെയും കുറച്ചു നേരം കഴിഞ്ഞിട്ടാണ് മഞ്ജുസ് റൂമിലെത്തിയത് . നേരത്തെ ഇട്ട നൈറ്റി തന്നെയാണ് വേഷം . അവൾ മുടിയൊക്കെ കെട്ടിവെച്ചു ഒന്നും മിണ്ടാതെ ബെഡിൽ വന്നിരുന്നു ഒരു വശത്തു ചെരിഞ്ഞു കിടക്കുന്ന എന്നെ നോക്കി .
“നീ ശരിക്കും കഴിച്ചോ ഡാ കവി ?”
മഞ്ജുസ് ശബ്ദം ഒന്ന് മയപ്പെടുത്തി എന്നോടായി തിരക്കി .
“ഇല്ല ..”
