മഞ്ജുസ് പെട്ടെന്ന് ആകെ അസ്വസ്ഥയായി എന്നെ നോക്കി .
“അയ്യാ…ഇതെന്ത് കൂത്ത് ..നീ കളിക്കാതെ ഇറങ്ങേടി മഞ്ജു ”
മായേച്ചി അവളുടെ കൈപിടിച്ച് വലിച്ചുകൊണ്ട് ഡോർ തുറന്നു .
ഞാൻ അവളുടെ ചിണുങ്ങിയുള്ള ഇരുത്തം കണ്ടു പുഞ്ചിരിച്ചു .
“എടി വേണ്ടെടി..പിള്ളേരുടെ ഒക്കെ നോട്ടം കണ്ടിട്ട് എന്തോ പോലെ ..”
മഞ്ജു മായേച്ചിയുടെ കൈവിടുവിക്കാനായി ശ്രമിച്ചുകൊണ്ട് കൊഞ്ചി .
“ഒലക്ക ആണ്….നീ കുറച്ചു ബോൾഡ് ആയി നിന്ന മതി..ആരും ഒന്നും പറയില്ല…”
മായേച്ചി അവളെ ആശ്വസിപ്പിക്കാനായി പറഞ്ഞു .
“ആഹ്..അതെന്നെ ..എന്നെ ഗെറ്റ് ഔട്ട് അടിച്ചിരുന്ന ആറ്റിട്യൂട് ഒക്കെ പോയോ ?’
ഞാൻ മായേച്ചിയെ സപ്പോർട്ട് ചെയ്തുകൊണ്ട് പറഞ്ഞു .
“എന്നാലും….അവിടന്ന് പോരുമ്പോൾ ഉള്ള ധൈര്യം ഒക്കെ പോയെടാ ..”
മഞ്ജുസ് എന്നെനോക്കി ചിണുങ്ങി.
“ഒരു പിണ്ണാക്കും ഇല്ല..ഇങ്ങോട്ടു ഇറങ്ങേടി ”
മായേച്ചി തന്നെ ഡോർ തുറന്നു മഞ്ജുസിനെ വലിച്ചിറക്കി . ഞാനതു കണ്ടിട്ടു ചിരിച്ചു മുൻസീറ്റിൽ തന്നെ ഇരുന്നു . ആ സമയം നോക്കി തന്നെ പഴയ ടീച്ചേർസ് ഒന്നുരണ്ടു പേരൊക്കെ സ്കൂട്ടർ പാർക്ക് ചെയ്യാനായി അവിടേക്കെത്തി .
മഞ്ജുസിനൊപ്പം കാറിൽ ഇരിക്കുന്ന പഴയ സ്റ്റുഡന്റിനേയും കണ്ടപ്പോൾ അവർക്കൊക്കെ അത്ഭുതമായി . ഞങ്ങളുടെ കല്യാണം കഴിഞ്ഞതൊക്കെ അറിഞ്ഞെങ്കിലും പിന്നീട് കാണുന്നത് അപ്പോഴാണല്ലോ . സുജ , ജിഷ എന്നെ ടീച്ചർമാർ ഞങ്ങളെ കണ്ടതും അടുത്തെത്തി..നാല്പത്തിനടുത്തു പ്രായമുള്ളവരാണ് രണ്ടുപേരും ! സാരിയും ബ്ലൗസും ആണ് വേഷം !
ആദ്യം തന്നെ അവർ മഞ്ജുസിനെയും മായേച്ചിയേം നോക്കി ചിരിച്ചു വിഷ് ചെയ്തു.
“ഗുഡ് മോർണിംഗ് മായ , ഗുഡ് മോർണിംഗ് മഞ്ജു ”
നിറഞ്ഞ ചിരിയോടെ പറഞ്ഞു സുജ ടീച്ചർ ഞങ്ങൾക്കരികിലെത്തി. അവരെ കണ്ടതും ഞാൻ കാറിൽ നിന്ന് പുറത്തിറങ്ങി . മഞ്ജുസ് ഒരു മങ്ങിയ ചിരിയോടെ അവരെ നോക്കി .
“ആഹാ..രണ്ടാളും കൂടി ആണല്ലോ…എങ്ങനെ ഉണ്ടായിരുന്നു ഹണി മൂൺ ഒക്കെ ?”
ജിഷ ടീച്ചർ കള്ളച്ചിരിയോടെ അവളുടെ അടുക്കൽ തിരക്കി.
“ഇറ്റ്..ഇറ്റ്… ഇട്സ് ഓക്കേ ഫൈൻ..നന്നായിരുന്നു ”
മഞ്ജുസ് ഒന്നു വിക്കി വിക്കി ആണേലും പരിഭ്രമത്തോടെ പറഞ്ഞൊപ്പിച്ചു .മഞ്ജുസിന്റെ വിറയലും വെപ്രാളവും കണ്ടു മായേച്ചി പയ്യെ ചിരിക്കുന്നുണ്ട് .
“മ്മ്…ഇന്നല്ലേ ജോയിൻ ചെയ്യുന്നേ ..ഒരു ട്രീറ്റ് വേണം കേട്ടോ ”
സുജ ടീച്ചർ ചിരിയോടെ പറഞ്ഞു .
“മ്മ്….അതൊക്കെ ഞാൻ ഏറ്റു ടീച്ചറെ ..ഇവളെക്കൊണ്ട് ഞാൻ സമ്മതിപ്പിക്കാം ”
മഞ്ജുസ് എന്തോ പറയാനൊരുങ്ങും മുൻപേ മായേച്ചി ഇടക്കുകയറി ഗോളടിച്ചു .
“ആഹ്…പിന്നെ എന്തൊക്കെ ഉണ്ടെടോ ഓർമ്മയുണ്ടോ ഞങ്ങളെയൊക്കെ ?”
കാറിൽ ചാരി അവരുടെ സംസാരം വീക്ഷിച്ചുകൊണ്ടിരിക്കുന്ന എന്നോടായി ജിഷ ടീച്ചർ തിരക്കി .
