എന്നൊക്കെയുള്ള വളിഞ്ഞ കമെന്റ് അടിച്ചു .എനിക്ക് അത് കേട്ടതും ചൊറിഞ്ഞു വന്നു . കോളേജ് ടൈം ആയിരുന്നേൽ അവന്മാരുടെ മോന്തക്കൊന്നു പൊട്ടിയിട്ടുണ്ടാകും ! മഞ്ജുസും മായേച്ചിയും അവന്മാരെ അടിമുടി ഒന്ന് നോക്കി..
“അതേടാ..അതിനിപ്പോ നിങ്ങൾക്കൊക്കെ എന്താ..പോയി ക്‌ളാസിൽ കേറാൻ നോക്കെടാ ..അവന്മാര് കേസ് അന്വേഷിക്കാൻ നടക്കുന്നു.. “
അവന്മാരുടെ ഇളി കണ്ടു ദേഷ്യം വന്ന മായേച്ചി ഇടപെട്ടു ചൂടായി.അതോടെ പയ്യന്മാരൊന്നു വിരണ്ടു നാണക്കേടോടെ പിൻവാങ്ങി .മായേച്ചി കലിപ്പിൽ റിയാക്റ്റ് ചെയ്യുമെന്ന് അവന്മാർ ഓർത്തുകാണില്ല.
“എടി കരാട്ടേക്കാരി..ഇങ്ങോട്ടു നോക്കെടി ”
മായേച്ചി ദേഷ്യത്തോടെ മുഖം കുനിച്ചു വിഷമിച്ചു നിക്കുന്ന മഞ്ജുസിന്റെ താടിത്തുമ്പിൽ പിടിച്ചുയർത്തികൊണ്ട് ചീറ്റി …
മഞ്ജുസ് മുഖം ഉയർത്തി അവളെ വാടിയ ഭാവത്തിൽ നോക്കി .
“ഇവന്മാരേം സ്റ്റാഫിനേം ഒക്കെ ഇതുപോലെ അങ്ങ് ഡീൽ ചെയ്ത മതി..ഇങ്ങനെ മുഖം താഴ്ത്തി നിന്ന എല്ലാം കൂടി നിന്റെ തലയിൽ കേറി നിറങ്ങും ..മനസ്സിലായോ ?”
മായേച്ചി എന്നെയും അവളെയും മാറിമാറി നോക്കികൊണ്ട് ചോദിച്ചു..
“മ്മ്…”
മഞ്ജുസ് തകലയാട്ടി..
“ആഹ്..എന്നാ വാ…ഓരോന്ന് ഉണ്ടാക്കി വെച്ചിട്ട്…”
മായേച്ചി ആരോടെന്നില്ലാതെ പറഞ്ഞു മുന്നോട്ടിക് നടന്നു ..എന്നെ ഒന്ന് നോക്കി ചിരിച്ചു മഞ്ജുസും പിന്നാലെ ഓടി..
“നിക്കെടി …”
മുൻപേ സ്പീഡിൽ നടക്കുന്ന മായേച്ചിയെ വിളിച്ചു മഞ്ജുസ് ബാഗും പിടിച്ചു പിന്നാലെ ഓടി ..
ഞാനവളുടെ ഓട്ടം നോക്കി കാറിൽ തന്നെ പുഞ്ചിരിയോടെ നോക്കി നിന്നു …
